بسم الله
السلام عليكم ورحمة الله وبركاته
في البداية احب اهنيكم على هالمنتدا الجميل والرائع بارك الله لكم فيه
واحب اعرض مشكلتي لعلي اجد لها حلا :
انا امراءة متزوجة من 9 سنوات وعندي طفلين ولله الحمد والمنه ...
المشلكة لدي في زوجي و تتلخص في 3 محاور :
1) زوجي دائما يردد كلمة (انا مااحبك ولا عمري حبيتك) في البداية كنت اقول زوبعة غضب والواحد اذا عصب مايعرف شيقول .. بس مع الوقت لاحظت انه يقول هالكلام حتى وهو رايق وطبيعي وتطلع من قلبة لانها تهز مشاعري وتئلمني ...وانا من جد احس انه مايحبني , ودايما يقول ::< ليتني تزوجت من قرايبي ( لان العايله عندهم يتزوجون من بعض وهو من القلائل اللي طلعو وتزوجو من برا ) بس الله يهدي ابوي هو اللي دلني عليكم يعني علي انا واهلي ..
بالنسبه لاهلي واهلة من نفس المنطقه ومن نفس الطبقة الاجتماعية والمادية ويمكن اهلى اعلى بدرجة.
2) ولدي بسم الله عليه عمره 4 سنوات وانا افكر احمل هالفترة بس زوجي رافض ويقول لالا يكفي اثنين .. واذا بغيت زيادة تزوجت غيرك .....والله انا جدا انزعج من هالكلام ... والله من جد كلام يقهر ودايم يقول ( ابيها تجي منك مو مني يقصد الانفصال ...
وانا صابرة وساكته واقول ليش المشاكلل والطلاق ... مع العلم اني مشاعري تجاهه عاديه جدا مااحبه ولا اكرهه.. بس لو تطلقت بيتشتتون عيالي وانا بروح بيت اهلي ويمكن مااتزوج .. يعني الحياة بتصير بنفس المستوا ,,, مع العلم بأن اهلي الحمد لله متفهمين وواعين.
3)على فكرررررة هو عصبي جدا جدا وعجل ..حتا اخواته دايم يقولون : مشالله عليكي كيف عايشه معاه وهو بالعصبيه؟؟ قلت لهم انا انسانه... مررات اتغافل واصير حكيمه ومرررات ماامسك نفسي وارد .
مثلا : قبل امس بروح بيت اهله وتأخرت عليه 10 دقايق بس لانه كان جاي بعد الصلاة مباشرة وماامداني الوقت ولما ركبت السيارة عطاني محاضرة وفشلني قدام عيالي وخدامتي وقال انا حياتي كلها نكد وماعمري شفت السعادة ومن هالكلام اللي تعودت عليه .. وقال انا ماعندي شغل الا انتم ؟؟ ليش تتاخرون ؟؟... قلت: احنا من ضمن اشغالك .. كل الرجال مسؤلين عن اهلهم ويودونهم ويجيبونهم وللأسف زعل من هالكلام .... وله يومين بايت برا البيت .... في بيت اهله
مع العلم انه انسان ملتزم دينيا مصلي صايم راعي صدقة وصلاة ليل مشالله عليه .
ايضا هو مايحب يقعد في البيت ابدا يعني .. دايم في شغله او عند اهله ( امه وابوه كبار بالسن )
3) انا احب اخطط للمسقبل وافكر واذا كان رايق والوقت مناسب اقوله : متا نعمر بيت ؟ وليش مانتشارك انا واياك في بيت ونبدأ نعمر فيه خطوة خطوة .. احسن من الاجار اللي احنا فيه ... يرد على : انا ما ابي اتشارك معك .. لو بتشارك تشاركت مع اخوي مو معك..!
_ بتسألون ليش صابرين على بعض 9 سنوات؟؟ بقولكم اني انا وواياه للأسف كلانا يتميز بالصبر (هو من باب الاهمال وانا من باب ان الحال بيتحسن بس ماشفت تحسن ابدا ) .. لكن الله كريم ..
_ انا نفسي ازعل واروح عند اهلي .. بس اعرفه ماراح يجيب خبري ولاراح يهتم ابدا وبينبسط ان المسأله جت من عندي واني انا اللي بديت ومايصدق خبر...
انتهيت ..
وفي النهايه اشكر لكم رحابة صدركم وقراءة قصتي وامل منكم تلقون لي حل ... بلييييز ابي حل مليييييت ...
......ودمتم بود وخير وعافية ......
لم -: (أن يكون مثواه بجواره).
يقول معاذ بن جبل - رضي الله عنه -: "يا بن آدم أنت محتاج إلى نصيبك من الدنيا ، وأنت إلى نصيبك من الآخرة أحوج ، فإن بدأت بنصيبك من الآخرة ، مرّ بنصيبك من الدنيا فانتظمها انتظامًا ، وإن بدأت بنصيبك من الدنيا ، فائت نصيبك من الآخرة ، وأنت من الدنيا على خطر).
وروى الترمذي بسنده عن النبي - 
